आज अन्तिम खेलको परिणाम : ओमान–५, नेपाल–०
काठमाडौं, २२ कात्तिक ।
एएफसी उन्नाइस वर्षमुनि (यू–१९) च्याम्पियनसिपअन्तर्गत आज भएको समूहचरणको अन्तिम खेलमा नेपाल ओमानसँग पराजित भएको छ ।
कीर्गिस्तानको विस्केकमा भएको खेलमा नेपाल ओमानसँग ५–० गोलअन्तरले पराजित भएको हो । यस हारसँगै नेपाल प्रतियोगिताबाट बाहिरिएको छ । ओमानले नेपाललाई खेलको पहिलो हाफमा तीन गोल प्रहार गर्यो भने दोस्रो हाफमा दुई गोल थप्यो ।
च्याम्पियनसिपमा चार खेल खेलेको नेपालले सबै खेलमा हार बेहोर्यो । चार खेलमा १२ गोल खाएको नेपालले एक गोल पनि फर्काउन सकेन ।
नेपाल पहिलो खेलमा आयोजक कीर्गिस्तानसँग २–० ले पराजित भएको थियो भने दोस्रो खेलमा बहराइनसँग ४–० ले पराजित भयो । त्यसैगरी तेस्रो खेलमा संयुक्त अरब इमिरेट्स (युएई) सँग १–० गोलअन्तरको हार ब्यहोर्न पुगेको थियो ।
बुधबार, कात्तिक २२, २०७४ मा प्रकाशित
Leave a Reply