–रमा थापा
मलाई सरोकार छैन
अरूले तिम्रा बारेमा के सोच्छन्
तिमी मेरो शक्ति हौ
केवल तिमी मात्र मेरो सच्चा साथी हौ
मेरो आँसु
मेरो प्रिय
मेरो अन्तरंग साथी ।
म सम्झिन्छु
एयरपोर्टको सुरक्षा जाँचसँगै तिमी मसँग हिँड्यौ
जहाजमा तिमी मसँगै उड्यौ
जतिखेर म फगत एक्लै थिएँ
मेरो धर्ती र मेरा प्रिय आफन्तहरूलाई छाडेर ।
अँध्यारो सडकमा तिमी मसँगै कुद्यौ
बस बिसौनीमा पनि तिमी मसँगै उभियौ
जतिखेर म फगत एक्लै थिएँ
चिसा रातहरूमा बस पक्रिने कोसिस गर्दै ।
म सम्झिन्छु,
जब मैले आफूलाई कमजोर महसुस गर्थें, तिमीले मलाई ऊर्जा दियौ
जब म सुस्तरी पाइला चाल्थेँ, तिमीले मलाई उत्प्रेरित ग¥यौ
तिमी म सँगसँगै थियौ मेरा पीडाहरूमा
तिमी म सँगसँगै थियौ मेरा रिक्तताहरूमा
मेरो आँसु
मेरो प्रिय
मेरो अन्तरंग साथी ।
केवल तिमी मात्र मेरो सच्चा साथी हौ ।
Leave a Reply