– मोना शेर्पा
तिम्रो प्राप्ति मेरो उद्देश्य होइन,
केवल देखिरहन चाहन्छु ।
स्वामित्वको कुनै गन्ध नदेख,
म त तिमीलाई सुनिरहन चाहन्छु ।।
फुलै पान गर्दैन भमराले
केवल क्षण रस मात्र हो ।
खोलै सुक्ने घुट्की त लिन्न,
प्यास मेटाएको मात्र हो बटुवाले ।।
व्यर्थको त्रास नपाल तिमी,
अलिकति हाँसिदिए पुग्छ ।
तिम्रो प्राप्ति मेरो उद्देश्य होइन,
मात्र हेरिरहन चाहेको हो ।।
(असार १५, २०७४ मा प्रकाशित)
Leave a Reply