काठमाडौं, २८ असोज ।
प्रदेश प्रमुखहरूले मासिक ६४ हजार तलब पाउने भएका छन् भने मासिक रूपमा ४० हजार अतिथि सत्कारको लागि पाउने छन् ।
व्यवस्थापिका संसदको शुक्रबारको बैठकले प्रदेश प्रमुखको पारिश्रमिक तथा सुविधासम्बन्धी विधेयक बहुमतले पारित गरेको हो ।
विधेयकअनुसार, प्रदेश प्रमुखलाई सरकारी आवास र गाडी तथा सचिवालयसहितको सुविधा दिइएको छ ।
मासिक ६४ हजार पारिश्रमिक, ४० हजार अतिथि सत्कार खर्च र वार्षिक १८ हजार रुपैयाँ पोसाक भत्ता पाउने व्यवस्था गरिएको छ ।
त्यस्तै, प्रदेश प्रमुखलाई १५ लाखको बीमा सुविधा दिइएको छ भने, भ्रमण भत्तामा स्वदेशभित्र दैनिक तीन हजार रुपैयाँ र विदेशमा तीन सय अमेरिकी डलर दिने व्यवस्था गरिएको छ ।
प्रदेश प्रमुखले एक दर्जन कर्मचारीसहितको सचिवालय राख्न पाउने छन् यस अतिरिक्त निजी चिकित्सक तथा विज्ञ पनि नियुक्त गर्न पाउने छन् । –नेपाल समाचारपत्र
शनिबार, असोज २८, २०७४ मा प्रकाशित
Leave a Reply